Talgildar undirskriftir við Samleikanum – frá KT Húsinum

Fá avtalur upp á pláss skjótari. Ein grannskoðari sendir ársfrágreiðingina til undirskrift. Kundin undirskrivar við Samleikanum sama dag, og málið kann avgreiðast uttan prent, skanning ella bíðitíð.

Ikki steðga framleiðsluni. Ein veitarasáttmáli skal góðkennast áðrenn tilfarið kann sendast. Við talgildari undirskrift kunnu allir partar undirskriva skjótt.

Stytt leiðina frá umsókn til avgerð.
Ein kundi skal undirskriva láns skjøl. Við Addo Sign og Samleikanum kunnu skjølini undirskrivast talgilt upp á fáar minuttir, so málið verður avgreitt skjótari.

Starvsavtalur kunnu undirskrivast talgilt upp á fáar minuttir. Starvsfólkið undirskrivar við sínum egna talgilda samleika, so onboarding kann byrja beinanvegin uttan prent, skanning ella bíðitíð.

Fá verkætlanir skjótari í gongd.
Tilboð, arbeiðstøkusáttmálar og sáttmálar við undirveitarar kunnu undirskrivast talgilt við Samleikanum. Tað minkar um seinkingar og ger tað lættari at fáa verkætlanir frá ætlan til veruleika.

Ger útleigingina smidligari.
Leigarar kunnu undirskriva leigusáttmálar talgilt við Samleikanum, uttan at møta upp í persón. Hetta sparir tíð hjá bæði leigarum og útleigarum og ger gongdina bæði skjótari og smidligari.

Við Addo Form kanst tú lættliga gera talgildar frymlar til at savna upplýsingar og samtykki. Tá frymilin er útfyltur, kann hann sjálvvirkandi sendast víðari til talgilda undirskrift við Samleikanum, MitID og øðrum norðurlendskum eID-loysnum.

Tað merkir færri handfaringar, minni fyrisiting og eina betri uppliving hjá bæði starvsfólkum og kundum.

Tá tú velur Addo Sign gjøgnum KT Húsið, fært tú meira enn bert atgongd til eina talgilda undirskrifts loyns. Tú fært ein lokal samstarvspart við innliti í tørvinum og arbeiðsgongdunum hjá føroyskum fyritøkum.

Vit hjálpa við ráðgeving, uppseting, innleiðing og support, so tit skjótt kunnu koma í gongd og fáa mest møguligt burtur úr loysnini. Og skuldi tørvur verið á hjálp, er hon altíð nær.

Fleiri føroyskar fyritøkur samstarva dagliga við kundar, veitarar og samstarvspartar í Norðurlondum. Tí stuðlar Addo Sign ikki bara Samleikanum, men eisini MitID í Danmark, BankID í Noregi og svenskum eID-loysnum.

Tit kunnu senda sama skjal til fleiri móttakarar og lata hvønn einstakan undirskriva við tí talgilda samleikanum, sum verður nýttur í teirra landi. Hetta ger altjóða avtalur einfaldari og minkar um óneyðugar seinkingar.

Samleikin er ein natúrligur partur av tí talgilda gerandisdegnum í Føroyum. Við Addo Sign kunnu fyritøkur og stovnar nýta Samleikan at undirskrivað sáttmálar, avtalur og onnur skjøl talgilt.

Hetta gevur móttakaranum eina einfalda og kenda uppliving, tí tey kunnu undirskriva við eini loysn, sum tey longu kenna. Samstundis fær fyritøkan eina trygga og løgggilda undirskrivingartilgongd uttan tørv á prenting, skanning ella persónligari uppmøting.

Tá eitt skjal verður undirskrivað við Addo Sign, verður øll undirskriftstilgongdin sjálvvirkandi skjalfest. Hetta gevur skjalprógv fyri, hvør hevur undirskrivað, nær undirskriftin varð givin, og hvussu samleikin varð váttaður.

Allar undirskriftir verða fylgdar av einum endurskoðanarspori, sum tryggjar gjøgnumskygni og skjalprógv, um spurningar seinni skuldu stungið seg upp um undirskriftina ella skjalið.

Sáttmálar og trúnaðarskjøl innihalda ofta viðkvæmar upplýsingar. Tí er trygd ein avgerandi partur av einari talgildari undirskriftstilgongd.

Við Addo Sign verða skjøl handfarin trygt gjøgnum alla tilgongdina, og allar hendingar verða sjálvvirkandi skrásettar. Fyritøkan hevur altíð fult yvirlit yvir støðu, undirskrivarar og søgu, sum skapar bæði trygd og gjøgnumskygni.